မိုးကုတ်မြို့မှာ နေထိုင်တဲ့ ယောက်ျားလေးမှန်ရင် ကျောက်တွင်း လုပ်ဖူးရတယ်။ မိန်းကလေးမှန်ရင် ကျောက်အရောင်းအ၀ယ် လုပ်ဖူးရတယ်။ ပိုက်ဆံရှိတဲ့လူက ခမ်းခမ်းနားနားပိုပြီး လုပ်ကိုင်နိုင်တာကလွဲရင် အတူတူပါပဲ။ ကျွန်တော်ငယ်ငယ် တုန်းကဆိုရင် ကျောင်းအားတဲ့ရက် မှာ သူငယ်ချင်းတွေစုဖွဲ့ပြီး တစ်ယောက်ကို ဇကာတစ်ချပ် ပေါက်ပြားတစ်လက်စီနဲ့ (ဇကာလှည့်) ကျောက်ရှာထွက်ကြ တော့တာပါပဲ။ ရလာတဲ့ကျောက်တွေကိုစုပြီး ရောင်းကြပါတယ်။ ဒါနဲ့ပဲ တစ်ပါတ် လောက်မုန့်ဖိုးကတော့ အဆင်ပြေပြေသွားခဲ့ရပါတယ်။
အရင်ကဆို မိုးကုတ်မြို့သူ/မြို့သားတွေက ပညာရေးကို ဦးစားမပေးခဲ့ကြပါဘူး။ သေစာရှင်စာ တတ်ရင်ပြီး ရော ကျောင်းထွက် ၊ ကျောက်အရောင်း/အ၀ယ်လုပ်၊ ကျောက်တွင်းဆင်း ဒီလိုနဲ့ အဆက်ဆက် ကျောက်လုပ်ငန်းတွေကြားမှာ နစ်မြုပ်သွားကြတာပါပဲ။
မိုးကုတ်မှာ ကျွန်တော်နေခဲ့တုန်းက တစ်နေ့တာလုပ်ငန်းလေးကို ပြောပြမယ်။ မိုးလင်းလာတာနဲ့ အစောကြီး ထမင်းစားပြီးရင် ပေါက်ပြားလေးထမ်းပြီး တွင်းတောထဲကိုသွား ရတော့တာပါပဲ။ တစ်နေကုန် မြေကြီးအလိမ်းလိမ်းနဲ့ အလုပ်လုပ်ကြရတယ်။ ညနေစောင်းတော့မှ တွင်းတောကနေ ပြန်လာ ဒါနဲ့ မိုကုတ်သားတွေဟာ ညမင်းသားလေးတွေဖြစ်ရောဗျာ။ ဒီလိုနဲ့တစ်နေ့ပြီး တစ်နေ့တော့ ငြီးငွေ့တယ်လို့မရှိပါဘူးဗျာ။ အောက်ကပုံလေးတွေကတော့ မိုးကုတ်မှာကိုယ့် ၀မ်းစာကိုယ်ဖြေရှင်းနေရတဲ့ အခြေအနေလေးတွေကို မြင်စေချင်လွန်းလို့ တင်ပြထားတာပါ -
ကလေးငယ်တစ်ယောက် ကျောက်ခဲ ထုကာကျောက်ရှာနေပုံ
ရေစီးမြောင်းတစ်ခုအတွင်း ဇကာလှည့်ကာကျောက်ရှာနေပုံ
အလုပ်သွား အလုပ်ပြန် (တွင်းသွား/တွင်းပြန်)
မိုးကုတ်က ရိုးသားတဲ့ တိုင်းရင်းသား မိသားစုလေး
မိုးကုတ်မြို့၊ ပန်းခြံထာပွဲ (ကျောက်ရောင်းဝယ်သည့်နေရာ)
ရောင်းတယ်/၀ယ်တယ် ကျောက်ဈေးသည်
ပန်းခြံထာပွဲ အတွင်းမှ ကျောက်ရောင်း/၀ယ်နေပုံများ
No comments:
Post a Comment